என். சொக்கன் நடத்தும் Nonfiction பயிற்சி வகுப்பு (On Demand Video)
இந்தப் பயிலகத்தில் என்ன கற்றுத்தரப்படும்?
Nonfiction, அதாவது, புனைவல்லாத நூல்களுக்கான சந்தை, வாசகர் வகை, எதிர்பார்ப்புகள், யார் எழுதலாம், என்ன எழுதலாம், தலைப்பு ஆராய்ச்சி, நூல் ஆராய்ச்சி, எழுதும் ஒழுக்கம்/பழக்கம், நேர மேலாண்மை, எடிட்டிங் ஆகியவற்றை விரிவாகவும், பதிப்பித்தலைச் சுருக்கமாகவும் கற்றுத்தரும் பயிலகம் இது.
இதில் யார் கற்றுக்கொள்ளலாம்?
புனைவல்லாத நூல்களை எழுதும் ஆர்வம் உள்ள எல்லாரும் இதில் இணையலாம். வயது, அனுபவம் போன்ற எந்தத் தடையும் இல்லை.
இந்த வகுப்பை யார் நடத்துவார்கள்?
எழுபதுக்கும் மேற்பட்ட வெற்றிகரமான Nonfiction நூல்கள், நூற்றுக்கணக்கான கட்டுரைகள், பத்திரிகைத் தொடர்களை எழுதியுள்ள எழுத்தாளர் என். சொக்கன் நேரடியாக நடத்தும் 4+ மணிநேர வகுப்பு இது. பாடங்கள், பயிற்சிகள் என அனைத்தையும் அவரிடம் நேரடியாகக் கற்றுக்கொள்ளலாம்.
இதன் பாடத்திட்டம் என்ன என்று கொஞ்சம் விளக்கமாகச் சொல்லுங்கள்.
முதலில், நான்ஃபிக்ஷன் புத்தகங்களுக்கான ஓர் அறிமுகத்துடன் நம் வகுப்பு தொடங்கும். பின்னர், நான்ஃபிக்ஷன் நூல்களை எழுதுவதற்கான எட்டுப் படிநிலைகள் (Eight Steps) அறிமுகப்படுத்தப்படும். அதன்பிறகு, அவற்றை எட்டுத் தனித்தனி வகுப்புகளில் விரிவாகக் கற்றுக்கொள்வோம். அதைத் தொடர்ந்து, இந்த எட்டுப் படிநிலைகளிலும் நீங்கள் பயன்படுத்தவேண்டிய உத்திகள், ஒழுக்கங்கள், கருவிகள், செயல்முறைகள் போன்றவை விளக்கப்படும்.
வகுப்பு எந்த மொழியில் நடைபெறும்?
தமிழில்.
இந்த வகுப்பைப் பார்க்கக் கம்ப்யூட்டர் தேவையா?
இல்லை. செல்ஃபோன் இருந்தால் போதும். ஆனால், கம்ப்யூட்டர் இருந்தால் எழுத்துப் பயிற்சிக்கு நல்லது.
இந்த வகுப்பை நான் எப்போது பார்க்கவேண்டும்?
அது உங்கள் விருப்பம்தான். உடனடியாகப் பார்க்கலாம். சில நாட்களுக்குப்பின், சில மாதங்களுக்குப்பின், சில ஆண்டுகளுக்குப்பின்கூடப் பார்க்கலாம். எத்தனை முறை வேண்டுமானாலும் பார்க்கலாம்.
இங்கு கற்றுக்கொண்டவற்றை நான் எப்படிப் பயன்படுத்திப் பார்ப்பது?
இந்தப் பாடங்கள் நான்ஃபிக்ஷன் நூல்களுக்கானவை. எனினும், இவற்றைச் சிறிய அளவில் கட்டுரைகளுக்கும் பயன்படுத்திப் பார்க்கலாம். நீங்கள் ஒரு தலைப்பை எடுத்துக்கொண்டு மேற்சொன்ன எட்டுப் படிநிலைகளையும் ஒவ்வொன்றாகப் பின்பற்றும்போது நல்ல தெளிவு கிடைக்கும். பின்னர் அதைப் பெரிய நூல்களுக்குக் கொண்டுசெல்வது எளிது.
இந்த வீடியோ வகுப்பை எப்படி வாங்கிப் பார்ப்பது?
என். சொக்கன் நடத்தும் நான்ஃபிக்ஷன் On Demand Video வகுப்பை வாங்க, இங்கு கிளிக் செய்யுங்கள்.
மேலுள்ள இணைப்பில் UPIல் பணம் செலுத்தும் வசதி இல்லை. ஒருவேளை, நீங்கள் இந்த வகுப்பை UPIல் பணம் செலுத்தி வாங்க விரும்பினால், nchokkan@gmail.com என்ற முகவரிக்கு எழுதுங்கள். அது தொடர்பான முழுத் தகவல்களும் உங்களுக்கு வந்து சேரும்.
உங்களுடைய நான்ஃபிக்ஷன் படைப்புகளுக்கு எங்கள் வாழ்த்துகள்!
